হৰিমান শৰ্মাৰ প্ৰেৰণাদায়ক যাত্ৰাঃ অনাথৰ পৰা উদ্যান শস্যৰ উদ্ভাৱকলৈ
হিমাচল প্ৰদেশৰ নিস্তব্ধ প্ৰকৃতিৰ মাজত এজন সেউজ সেনানী যাৰ উদ্ভাৱনৰ কাহিনীয়ে পৃথিবীক আচৰিক কৰি তোলে। নাম তেওৰ হৰিমন শৰ্মা। ১৯৫৬ চনৰ ৪ এপ্ৰিলত গ্লাচিন নামৰ সৰু গাঁওখনত জন্মগ্ৰহণ কৰা হৰিমনৰ জীৱনৰ আৰম্ভণিছোৱা কষ্টকৰ আছিল। মাত্ৰ তিনিদিন বয়সতে মাকে তেওঁক এৰি থৈ গৈছিল, যাৰ ফলত পানিয়ালা গাঁৱৰ এটা পৰিয়ালে তেওঁক তুলি লৈছিল। ১৯৭১ চনত মেট্ৰিক পৰীক্ষাত পাছ কৰিব নোৱাৰি তেখেতে বন বিভাগত কাম কৰিব লয়। ১৫ বচৰ বয়সতে কমলা দেবীৰ লগত বিবাহত আবদ্ধ হয়। পৰিয়াল পালিবলৈ তেখেতে ১৯৯০ চনলৈ শিল ভঙা কামো আৰম্ভ কৰে। ইয়াৰ পিছত তেও শাক পাচলিৰ খেতি আৰম্ভ কৰে।
HRMN 99 আপেলৰ আবিষ্কাৰৰ কাহিনী
HRMN 99 আপেলৰ আবিষ্কাৰৰ কাহিনী অতি মানোৰম। ১৯৯৮ চনত এদিন তেখেতে বিলাসপুৰৰ বজাৰৰ পৰা কেইটামান আপেল কিনি আনি খোৱাৰ পিছত গুটিবোৰ ঘৰৰ বাকৰিত ৰুইছিল। তাৰে এজোপা আপেল গজি উঠাত তেখেতে ভালকৈ যত্ন লবলৈ ধৰিলে। ২০০১ চনত কেইটামান আপেল গছজোপাত লাগিল। পিছে আপেলবোৰ বহুত সৰু আছিল। তেখেত নিৰাশ নহ’ল। তেখেতে ডালবোৰ প্লাম গছত, আৰু পিছলৈ, শিমলাৰ পৰা অহা কেঁকোৰা আপেলৰ পুলিত সফলতাৰে গ্ৰাফ্ট কৰিছিল। নিজৰ ঘৰতে শ জোপামান আপেল খেতি কৰিলে। এই গছবোৰত আজিও সুন্দৰ আপেলৰ ফল লাগে।
সমুদ্ৰপৃষ্ঠৰ পৰা ৭০০ মিটাৰ উচ্চতাত আপেল খেতি কৰা সম্ভৱ হয়, য’ত গৰমৰ দিনত উষ্ণতা ৪০-৪৫ ডিগ্ৰী চেলছিয়াছলৈ উষ্ণতা বৃদ্ধি পায়। হৰিমন শৰ্মাই প্ৰচলিত সকলো জ্ঞাণৰ বিপৰীতে এই দুষাধ্য সাধন কৰিছিল নিজৰ অসীম ধৈৰ্য্য আৰু সাহসৰ বলেৰে।
হিমাচল প্ৰদেশ চৰকাৰে তেওঁৰ অৱদানক স্বীকৃতি দি ড° ৱাই.এছ. পাৰ্মাৰ উদ্যান শস্য আৰু বন বিভাগ। তেওঁৰ ভূমিকা উদ্যান শস্যৰ সংহত উন্নয়ন অভিযান (এমআইডিএইচ) প্ৰকল্পৰ অধীনত গৱেষণা পৰিষদ আৰু ৰাজ্যিক পৰ্যায়ৰ কাৰ্যবাহী সমিতিত কাৰ্যনিৰ্বাহ কৰালৈকে বিস্তৃত।
হৰিমানৰ এইচ আৰ এম এন-৯৯ জাতৰ প্ৰভাৱ গভীৰ। ভাৰতৰ ২৯খন ৰাজ্যত ই বিয়পি পৰিছে, ইয়াৰে ২৩খন ৰাজ্যত সফল ফল পোৱা গৈছে। আনকি এই জাতটোৱে আন্তঃৰাষ্ট্ৰীয় পৰ্য্যায়তো সমাদৃত হৈছে বাংলাদেশ, নেপাল, জাৰ্মানী, জাম্বিয়াৰ উদ্ভিদে ফল দিছে। এই বহল প্ৰসাৰে এইচ আৰ এম এন-৯৯ৰ পৰিবেশৰ লগ মিলি যোৱাৰ ক্ষমতা আৰু স্থিতিস্থাপকতাকৰ কথা সজোৰে কয়।
এইচ আৰ এম এন-৯৯ আপেল জাতটোৰ বৈশিষ্ট্য হ’ল ইয়াৰ উচ্চ উষ্ণতা থকা অঞ্চলত বৃদ্ধি হোৱাৰ ক্ষমতা, গছৰ উচ্চতা ১২-১৫ ফুট পৰ্যন্ত হয়। ইয়াৰ ফল ৰোপণৰ তৃতীয় বছৰৰ পিছত আৰম্ভ হয়, জানুৱাৰী মাহৰ আৰম্ভণিতে ফুল ফুলা আৰম্ভ হয় আৰু ছমাহৰ পিছত চপোৱা সম্ভৱ, সাধাৰণতে জুন মাহত। বহু সুবিধা থকাৰ পিছতো সাধাৰণ উষ্ণতাত প্ৰায় ১০-১২ দিন এই জাতটোৰ শ্বেল্ফ লাইফ কম হোৱাটোৱে এক প্ৰত্যাহ্বানৰ সৃষ্টি কৰিছিল, যিটোৰ উন্নতিৰ বাবে শৰ্মাই সক্ৰিয়ভাৱে কাম কৰি আছে।
ভাৰতীয় নেশ্যনেল ইনোভেচন ফাউণ্ডেচনে শৰ্মাৰ এই উদ্ভাৱনৰ তাৎপৰ্য স্বীকাৰ কৰি
সমগ্ৰ দেশৰ কৃষকসকলৰ মাজত হাজাৰ হাজাৰ উদ্ভিদ বিতৰণত সহযোগিতা আগবঢ়াইছে। গ্রীষ্মমণ্ডলীয় আৰু উপগ্রীষ্মমণ্ডলীয় অঞ্চলত বহু-স্থানীয় পৰীক্ষা চলি আছে, আশাব্যঞ্জক ফলাফলৰ সৈতে যিয়ে ভাৰতৰ আপেল খেতিৰ পৰিৱেশক পুনৰ গঢ় দিব পাৰে৷ অসমৰ কৃষি বিশ্ববিদ্যালয়টো ইয়াৰ সফল খেতি হৈছে।
হৰিমান শৰ্মাৰ এইচ আৰ এম এন-৯৯ কেৱল আপেলৰ জাততকৈও অধিক; ই মানুহৰ কৌশল আৰু কৃষি উন্নতিৰ অদম্য সাধনাৰ প্ৰতীক। এসময়ত আপেল খেতিৰ বাবে অনুপযুক্ত বুলি বিবেচিত অঞ্চলসমূহৰ কৃষকসকলৰ বাবে ই আশাৰ পোহৰ হিচাপে থিয় দিছে, সম্ভাৱনাৰ নতুন দিগন্ত আগবঢ়াইছে। হৰিমান শৰ্মাৰ জীৱনত দৃঢ়তা, উদ্ভাৱন, আৰু আশাৰ — এনে এক আখ্যান যিয়ে কৃষক আৰু বিজ্ঞানীৰ নতুন প্ৰজন্মক অনুপ্ৰাণিত কৰি আহিছে। নিষ্ঠা আৰু কঠোৰ পৰিশ্ৰমৰ দ্বাৰা অসম্ভৱ যেন লগা বস্তুটোক জীৱন্ত বাস্তৱলৈ ৰূপান্তৰিত কৰিব পৰা যায় বুলি তেওঁৰ জীৱন কাহিনীয়ে প্ৰমাণ কৰে। হৰিমান শৰ্মাৰ জীৱন এনে এক আখ্যান যিটো প্ৰজন্মৰ পিছত প্ৰজন্ম ধৰি অমৰ হৈ ৰব, ভৱিষ্যতৰ উদ্ভাৱকসকলক ডাঙৰ সপোন দেখিবলৈ আৰু নিজৰ লক্ষ্যৰ দিশত অক্লান্তভাৱে কাম কৰিবলৈ অনুপ্ৰাণিত কৰে।
এইচ আৰ এম এন-৯৯-এ জনপ্ৰিয়তা লাভ কৰি আপেল খেতি উদ্যোগটোক ৰূপান্তৰিত কৰাৰ লগে লগে ই এটা সোঁৱৰণী হিচাপে কাম কৰে যে কেতিয়াবা, পৰিৱৰ্তনৰ বীজবোৰ অতি অপ্ৰত্যাশিত ঠাইৰ পৰা গজি উঠিব পাৰে।
